Tensione mes lojtarëve pas golit të shënuar nga Izraeli

Momente tensioni janë regjistruar në stadiumin “Air Albania” gjatë ndeshjes miqësore mes Shqipërisë dhe Izraelit, raporton gazetarja Dea Kozma.

Situata u acarua menjëherë pas golit të shënuar nga izraelitët, kur në fushë pati përplasje fizike mes lojtarëve të dy skuadrave. Në të njëjtën kohë, nga tribunat u hodhën sende nga tifozët kuqezinj. 

Pavarësisht se Shqipëria kishte kontrolluar lojën dhe kishte krijuar më shumë volum në fushë, ishte Izraeli që kaloi në avantazh. Goli erdhi nga Gloukh, i cili me një diagonale të saktë arriti të mposhtë portierin Sherri.

Takimi i kësaj mbrëmjeje ka një rëndësi të veçantë edhe për stafin teknik të kombëtares, pasi shënon debutimin e trajnerit të ri Rolando Maran në stolin e Shqipërisë.

(A2 Televizion)