Lamine Yamal nuk e fitoi Topin e Artë mbrëmjen e djeshme. Edhe pse favorit ishin futbollistët e PSG, me Ousmane Dembele që e fitoi, pritshmëritë ishin rritur shumë për talentin e Barcelonës.
Yamal nuk ishte i vetmi nga katalanasit që e pretendonte, pasi edhe kapiteni Raphinha, i cili doli i pesti, kishte merita të mjaftueshme për ta pretenduar çmimin. Dhe fakti që Yamal nuk e fitoi Topin e Artë, duket se e gëzoi brazilianin, shkruan A2.
Pamjet e momentit kur shpallet fituesi i edicionit 2025 po bëjnë xhiron e rrjetit për mënyrën se si reaguan protagonistët në sallë. Dembele u çua në këmbë dhe takoi disa nga shokët e skuadrës te PSG, ndërsa shkoi të takonte edhe Yamal i cili po duartrokiste ftohtë, para se të ngjitej në skenë për të marrë trofeun. Por, ajo që u ra në sy të gjithëve, ishte pamja shumë e gëzuar e Raphinha.
Menjëherë, kanë filluar të qarkullojnë teori për xhelozi mes futbollistëve katalanas. (A2 Televizion)
A2 CNN Livestream
MUND TE LEXONI GJITHASHTU
