Një barazim dramatik në fund të ndeshjes, i realizuar nga Gabriel Martinelli, i dha Arsenalit një rezultat 1-1 ndaj Manchester City, duke vazhduar serinë pa humbjes ndaj “qytetarëve” në pesë takimet e fundit.
Manchester City nisi mirë, duke kërkuar hapësira pas mbrojtjes së Arsenalit, dhe kaloi në avantazh që në minutën e 9-të. Erling Haaland pas një aksioni në gjysmëfushën e City-së, ia pasoi Tijjani Reijnders dhe mori përsëri topin për të mposhtur David Raya, duke shënuar golin e 11-të në gjashtë ndeshjet e fundit për klubin dhe kombëtaren.
Arsenali reagoi dhe krijoi disa mundësi për gol, por mbrojtja e qytetarëve qëndroi e fortë. Gianluigi Donnarumma ishte i pasigurt në disa dalje nga kornet, ndërsa Riccardo Calafiori dhe Noni Madueke provuan për të rrezikuar portën e City-së. Pas pushimit, Mikel Arteta aktivizoi Bukayo Saka dhe Eberechi Eze, duke rritur presionin, por City u mbrojt dhe reagoi me Haaland dhe Foden.
Në minutat e fundit, Martinelli merr një pasim nga Eze dhe me një goditje elegante mbi Donnarumma, siguron barazimin dramatik për Arsenal. Ky gol shënon një fitore morale për Topçinjtë, duke i mbajtur tre pikë përpara Manchester City në renditje. (A2 Televizion)
A2 CNN Livestream
MUND TE LEXONI GJITHASHTU
