Pas pezullimit të mësimit për shkak të tërmetit, Universiteti i Tiranës rifillon të martën e 10 dhjetorit.
Katër dekanët njoftojnë se për fat të mirë nuk ka studentë që kanë humbur jetën, por ka raste që kanë humbur familjarët si dhe u janë shkatërruar banesat në Durrës e Thumanë.
Dekanët sigurojnë se fakultetet e universitetit të Tiranës nuk kanë pësuar dëmtime serioze nga tërmeti. Pas verifikimit, grupet e ekspertëve aprovuan rihapjen e tyre për mësim.
“Nesër fillon mësimi në Universitetin e Tiranës. Vendimi erdhi pasi u konfirmua nga ekspertët që godinat tona nuk kanë pësuar dëmtime”, deklaroi Dhori Kule, dekani i fakultetit të Ekonomisë.
Krahas psikologëve dhe menaxhereve të riskut që janë angazhuar gjatë ditëve post tërmetit, universiteti i Tiranës akordoi dhe 5 milionë lekë të rinj nga buxheti i tij për rimëkëmbjen e zonave të dëmtuara. (A2 Televizion)
A2 CNN Livestream
MUND TE LEXONI GJITHASHTU
