Nuk ka më pritje, bardheblutë e Tiranës janë rikthyer zyrtarisht si kampionë të Shqipërisë në futboll pas 11 vjetësh.
Zyrtarizimi ka ardhur si “dhuratë” nga Shkodra, dy javë para fundit të kampionatit, atje ku Vllaznia vendase ka fituar 1-0 me Kukësin që ndiqte kryeqytetasit.
Ky është titulli i 25-të për bardheblutë, të cilët këtë herë kishin në krye të stolit Emanuel Egbo.
Për 100 vjetorin e themelimit, bardheblutë kanë mundësi të fitojnë edhe trofeun e dytë, duke qenë se janë në finale të Kupës së Shqipërisë ndaj skuadrës së Teutës.
Sa i përket ndeshjes së luajtur në Shkodër, ajo u vendos nga goli i shënuar nga Adili, 3 minuta para fundit, i cili i jep shpresë Vllaznisë të arrijë Bylisin, që tashmë është vetëm dy pikë para.
Në dy ndeshjet e tjera të kësaj të diele, Laçi fitoi 0-3 në Ballsh ndaj Bylisit vendas, ndërsa Teuta-Partizani u mbyll pa gola. (A2 Televizion)
A2 CNN Livestream
MUND TE LEXONI GJITHASHTU
