Çifti Arjan dhe Vilma Konomi të cilët u aksidentuan të dielën e 8 majit, bashkë me foshnjën 3-muajshe, ndodhen ende në spital.
Gati dhjetë ditë pasi u aksidentuan në vijat e bardha, bashkë me foshnjën 3-muajshe, të dielën e 8 majit, çifti Arjan dhe Vilma Konomi vijon të qëndrojë në Spitalin e Traumës në kryeqytet.
Sipas mjekëve, gjendja e tyre është e stabilizuar dhe janë jashtë rrezikut për jetën.
Sipas Fatos Olldashit, shef i shërbimit të Neurokirurgjisë, fatmirësisht gjendja duket e stabilizuar. "Ndodhen ende në spital, por gjendja e tyre duket me parametra të kënaqshme. Nga pikëpamja neurologjike janë koshientë dhe komunikojnë, shpresat janë që gjendja e tyre të bëhet sa më e mirë”, shpjegon ai.
Vilma dhe Arjan Konomi u aksidentuan të dielën e 8 majit pak pas mesditës, teksa kalonin në vijat e bardha bashkë me vajzën e tyre 3-muajshe, e cila ndodhet në gjendje të mirë shëndetësore. (A2 Televizion)
A2 CNN Livestream
MUND TE LEXONI GJITHASHTU
