De Bruyne (City), Lewandowski (Bayern) dhe Neuer (Bayern) janë kandidatët për lojtarin më të mirë të vitit të UEFA-s. Çmimi do të jepet në 1 tetor, gjatë shortit të Champions League për sezonin e ri.
Për herë të parë në dekadën e fundit, as Cristiano Ronaldo dhe as Leo Messi nuk janë mes finalistëve. Messi u rendit në vend të katërt dhe Cristiano në vend të dhjetë.
Sukesi i Bayern Munchen në Champions League bën që sulmuesi polak të jetë favoriti kryesor për këtë çmim. Lewandowski ishte golashënuesi më i mirë i Champions dhe i Bundesligës, duke qenë elementi më i rëndësishëm në tripletën e Bayern Munchen (Champions, kampionat dhe kupë).
UEFA publikoi edhe kandidatët për trajnerin më të mirë të vitit, të tre gjermanë. Bëhet fjalë për Flick, Klopp dhe Nagelsmann. (A2 Televizion)
A2 CNN Livestream
MUND TE LEXONI GJITHASHTU
