1642 – U nda nga jeta Galileo Galilei, fizikant italian, matematikan, astronom, filozof, i cili luajti rol të madh në Revolucionin Shkencor. Arritjet e tij përfshijnë përmirësime të teleskopit dhe vëzhgimet astronomike. Galileo është quajtur ati i astronomisë, fizikës dhe shkencës moderne. 
1835 – Borxhi kombëtarë i ShBA-ve për herë të parë dhe të vetme është 0 (zero). 
1838 – Alfred Vail demonstroi përdorimin e telegrafit, duke përdorur pikat dhe presjet si shenja komunikimi. 
1918 – Në një fjalim përpara dy dhomave të Kongresit, presidenti amerikan Woodrow Wilson foli mbi synimet e Shteteve të Bashkuara në Luftën e Parë Botërore dhe paraqiti “14 Pikat” për arritjen e një paqeje të qëndrueshme në Evropë Për këto përpjekje, në vitin 1920, Woodrow Wilson u nderua me Çmimin Nobel të Paqes. 
1925 – Kryetari i Vatrës Faik Konica, duke shkruar në gazetën Dielli, shpreh qëndrimin e tij rreth qeverisë së re të Ahmet Zogut. “Çfarë duhet të bëjmë? Ne mund të bëjmë njërën prej të dyjave: të ruajmë paqen që kemi ose të mbështesim qeverinë e re, jo për programin e saj, por për të vendosur rendin dhe qetësinë. Ata që thonë se Zogu është tradhtar, duhet të shohin për rreth dhe do të zbulojnë se shumica e shqiptarëve mund të jenë cilësuar tradhtarë në një kohë a një tjetër.” 
1935 – Në Tupelo, Misisipi, lindi Elvis Presley, këngëtar, kitarist, dhe aktor. Vëllai i tij binjak, vdiq gjatë lindjes, duke e lënë Elvisin fëmijë të vetëm. 
1963 – Mona Lisa e Leonardo da Vinçit ekspozohet për herë të parë në Shtetet e Bashkuara, në Galerinë Kombëtare të Arteve në Uashington, DC.
Kalendari historik, 8 janar. (A2 Televizion)
A2 CNN Livestream
MUND TE LEXONI GJITHASHTU
