Votimi elektronik: Përfundon testimi në Elbasan, më lehtë se me fletë

Elbasani është bashkia e parë e madhe në vend që në zgjedhjet lokale të 14 majit do të aplikojë votim dhe numërim elektronik të votave.

Votimi elektronik do të aplikohet në 1224 qendrat e votimit të bashkisë së Elbasanit.

Për këtë arsye, prej më shumë se dy javësh, KQZ-ja organizoi testimin e pajisjes elektronike, në mënyrë që votuesit e Elbasanit të familjarizoheshin me procedurën dhe mënyrën e votimit elektronik.

Pas këtij testimi, kryetari i KZAZ 49 të Elbasanit shprehet se personat që e kanë testuar nuk kanë pasur asnjë lloj problemi apo paqartësie, madje sipas tij është më e thjeshtë edhe se votimi tradicional me fletë votimi.

Më 14 maj, në të gjithë bashkinë e Elbasanit do të ftohen për të votuar 171.700 persona që kanë mbushur moshën 18 vjeç. (A2 Televizion)