Lista Serbe nuk do të marrë pjesë në zgjedhjet e 23 prillit, që do të mbahen në katër komunat veriore të Kosovës. Kjo forcë politikë nënvizoi se ky vendim do të mbetet i pandryshuar deri në përmbushjen e kërkesave të tyre.
“Nuk janë përmbushur kërkesat që na kanë shtyrë të largohemi nga institucionet e Kosovës dhe as nuk do të marrim pjesë në zgjedhje deri në përmbushjen e kërkesave tona legjitime”, lexohet në njoftimin e Listës Serbe.
Një ndër kushtet e kësaj partie është dhe formimi i Asociacionit të Komunave me Shumicë Serbe. Afati për tu regjistruar për zgjedhjet e jashtëzakonshme për Mitrovicën e Veriut, Zveçanin, Leposaviçin dhe Zubin Potokun ka nisur sot dhe skadon më 18 mars. Dita e votimit është caktuar 23 prilli i këtij viti. (A2 Televizion)
A2 CNN Livestream
MUND TE LEXONI GJITHASHTU
