Gjykata e Apelit Tiranë ashpërson dënimin ndaj Nevaldo Hajdarajt, ish-policit të akuzuar për vrasjen e Klodian Rashës. Apeli dënon me 18 vite burg, nga 15 që u dënua në Shkallën e Parë. Për shkak të gjykimit të shkurtuar, Hajdaraj dënohet përfundimisht me 12 vite burg.
Ish-efektivi i “Shqiponjave”, Nevaldo Hajdaraj u shpall fillimisht fajtor për vrasje me dashje. Ai e ankimoi vendimin duke kërkuar që të ndryshohej në “tejkalim të nevojës për t’u mbrojtur”, duke argumentuar se nuk ishte vrasje me dashje. Edhe Prokuroria e kishte ankimuar vendimin, e cila në shkallën e parë kishte kërkuar 20 vite burg për Hajdarajn.
Gjykata e Tiranës dënoi më 14 korrik Hajdarajn, me 15 vite burg dënim që për shkak të gjykimit të shkurtuar shkoi në 10 vite.
Më 8 dhjetor 2020, Rasha u vra në hyrje të rrugicës që të çon drejt banesës së tij, i paarmatosur duke i vrapuar policisë për shkak të frikës. Nga pamjet filmike, rezultoi se Nevaldo Hajdaraj kishte qëlluar me dy plumba në distancë të riun, duke e lënë të vdekur në vend. (A2 Televizion)
A2 CNN Livestream
MUND TE LEXONI GJITHASHTU
