“Vula” e PD në gjykatë, Berisha: Ambasadorja Yuri Kim ka bërë gjithçka për të ndërhyrë në proces

Kryetari i Partisë Demokratike, Sali Berisha, ishte i ftuar këtë të mërkurë në Debat nga Alba Alishani në A2 CNN, nga ku ndër të tjera ai foli për padinë në gjykatë mbi çështjen e vulës së partisë.

Ai theksoi se në këtë çështje, gjykatësja Muçi shiti, në konceptin profesional, veten e vet për ata që dorëzuan padinë. Berisha shkoi edhe më tej duke thënë se ambasadorja amerikane Yuri Kim ka ndikuar te gjyqtarja.

“Ata që shpresojnë te Edi Rama, shpresojnë te Edi Rama dhe ajo është zgjidhja e tyre. Të mendosh se gjykatësja Muçi shiti, në konceptin profesional, veten e vet për ata që dorëzuan padinë. Ajo u urdhërua të marrë atë vendim nga Edi Rama. Siç kam denoncuar dhe siç e ka pohuar edhe vet nga zonja Kim, nëpërmjet Erjon Veliajt, të cilit i kërkoi të bëjë gjithçka për të shpallur palë ata që nuk ishin palë. Veliaj kontrollonte Vettingun e gjykatëses Muçi. Kjo është një nga aferat më korruptive”, u shpreh Berisha. (A2 Televizion)