Yuri Kim: Shqipëria këtë javë do të ketë një nga dy gjyqtarët e nevojshëm për funksionimin e Kushtetueses

Ambasadorja, Yuri Kim, ka reaguar pas dërgimit për miratim nga Këshilli i Emërimeve në Drejtësi, në Kuvend, të kandidatit Altin Binaj për vakancën në Gjykatën Kushtetuese. Në një postim në Twitter, ambasadorja amerikane shprehet se Shqipëria këtë javë do të ketë një nga dy gjyqtarët e nevojshëm për funksionalitetit e Gjykatës Kushtetuese

“Sot, KED përfundoi vlerësimin dhe i dërgoi Parlamentit listën e kandidatëve të kualifikuar për Gjykatën Kushtetuese. Kjo do të thotë që Shqipëria do të ketë këtë javë një nga dy gjyqtarët e nevojshëm për ta bërë funksionale Gjykatën Kushtetuese. Sapo Presidenca të emërojë gjyqtarin e saj, Gjykata Kushtetuese  do të jetë funksionale. Faleminderit të gjithëve për ndërmarrjen e masave urgjente!”, shkruan Yuri Kim.

Ajo shpreson që KED të punojë me urgjencë edhe për të kompletuar listën e kandidatëve për Presidencën dhe për ta dërguar sa më shpejt që të jetë e mundur, në mënyrë që Shqipëria të ketë Gjykatë Kushtetuese funksionale deri më 31 dhjetor. (A2 Televizion)