Një fëmijë i mitur humbi jetën si pasojë e një zjarri që përfshiu një qendër të mbipopulluar për emigrantët në ishullin Lesbos të Greqisë, mëngjesin e së hënën.
Flakët e zjarrit shkatërruan të paktën 2 kontejnerë që përdoreshin për strehim nga refugjatët në kampin e Morias dhe disa tenda.
Zëdhënësi i zjarrfikësve të ishullit bëri me dije se si pasojë e zjarrit humbi jetën një fëmijë i mitur 6-7 vjeç. Shkaqet e flakëve në kamp janë ende të paqarta, por policia ka nisur një hetim për zbardhjen e ngjarjes.
Kampi i Morias u ndërtua nga autoritetet greke për të strehuar rreth 3000 emigrantë, por aty aktualisht jetojnë 19 mijë persona në kushte shumë të këqija. (A2 Televizion)
A2 CNN Livestream
MUND TE LEXONI GJITHASHTU
