Një diferencë prej 3000 votash, e bën kandidatin socialist, Albert Halilaj, fitues të zgjedhjeve për bashkinë e Kukësit, edhe pse kanë mbetur ende 5 kuti për të numëruar.
Kandidati socialist kryeson me 7112 vota përballë kandidatit opozitar Emri Vata, i cili ka arritur të marrë 4278 vota.
Kjo diferencë e thellë midis dy rivalëve në garë ka bërë që edhe kryeministri Edi Rama, ndryshe nga 14 maji, të reagojë më herët duke përshëndetur fitoren e Partisë Socialiste në Kukës.
Me një postim në rrjetin social Facebook, Rama shprehet se fitorja e Halilajt në Kukës është shembullore dhe shenjë e qartë e besimit që qytetarët kanë te qeveria e majtë.
“Kur janë numëruar pak më shumë se gjysma e kutive të votimit, kandidati i Partisë Socialiste për Bashkinë e Kukësit ka një avantazh të pakthyeshëm prej thuajse 3000 votash, i cili do të thellohet ende deri në kurorëzimin e një fitoreje shembullore, që flet qartë për besimin dhe për pritshmërinë e qytetarëve kuksianë ndaj nesh, si edhe për detyrimin tonë të madh ndaj tyre, për të bërë shumë më shumë akoma për Kukësin.” (A2 Televizion)
A2 CNN Livestream
MUND TE LEXONI GJITHASHTU
