Astrit Patozi, me anë të një postimi në Facebook, ka komentuar situatën konfliktuale në opozitë teksa po shkojnë drejt 6 marsit në zgjedhjet e pjesshme lokale në 6 bashki të vendit.
Ai komenton deklaratat e Bashës e Berishës, të cilët akuzojnë njëri-tjetrin se po ndihmon Ramën.
“Foltorja thotë se çdo votë për kandidatët e Lulit shkon për Edi Ramēn, ngaqë ata e ndajnë bashkë pushtetin prej shumë vitesh.
Partia Demokratike e vulës thotë që kush voton për Sali Berishën i jep oksigjen Trekëndëshit të Bermudës, që drejtohet dhe udhëhiqet nga Edi Rama.
Po kërkoni ndonjë votë për vete o burra, se zgjedhje janë të shkretat! Jo për gjë, por Edi Rama nuk ka ku çon të tijat dhe nuk keni pse i dhuroni më shumë pasanikut.
Se kështu pastaj i bie që më 6 mars të jenë duke u bërë zgjedhje edhe më moniste se ato të 30 qershorit 2019. Dhe me rregull treshi, kjo do të thotë që s'ka vajtur dëm edhe gjithë ajo sakrificë e Ilir Metës për anulimin e tyre”, shkruan Patozi. (A2 Televizion)
A2 CNN Livestream
MUND TE LEXONI GJITHASHTU
