Tetë arreste me burg, 3 pezullime të funksioneve publike edhe 2 pezullime nga detyra. Këto janë masat e sigurisë të vendosura nga Gjykata e për punonjësit e policisë dhe zyrtarët vendorë që u arrestuan nën dyshimin se kanë shpërdoruar detyrën, duke lejuar abuzime me ndërtimet.
Masa e arrestit me burg u vendos për shtetasit Petrit Neziri, Ermand Petova, Gjergj Gërco, Agim Osmani, Ndriçim Shika, Dëshir Dakoli dhe Adem Lika.
Për Besnik Domin, Shefin e Rendit në Komisariatin e Policisë Shijak, u morr masa "pezullim nga ushtrimi i funksionit publik", ndërkohë që për shefin e stacionit të policisë Manz Sami Xhafa u vendos "pezullim për ushtrim të detyrës".
Nga të arrestuarit, Petrit Neziri është ndihmës specialist/SPZ, në Stacionin e Policisë Manzë. Ermand Petova, është nënkomisar në Stacionin e Policisë Manzë, ndërkohë që Agim Osmani dhe Dëshir Dakoli ishin ndihmës specialistë në Komisariatin e Policisë Durrës. Osmani, nuk është ndjerë mirë sot në gjykatë dhe është dërguar në Urgjencë.
Gjergj Gerco është sekretar i Njësisë Administrative Sukth, Ndriçim Shika mbante funksionin e ndihmës specialistit në Komisariatin e Policisë Shijak, ndërkohë që Adem Lika është zhvillues i një objekti ndërtimi pa leje.
Për kryeinspektorin e IMT Shijak Marius Shahini Gjykata dhe për 4 persona të tjerë, Dritan Koçi Paulin Meta Qerim Doka Gjon Zefi, Gjykata ka vendosur vetëm masën e detyrim paraqitje”.
Të arrestuarit janë në nivel komisar, nënkomisar dhe inspektorë policie, drejtues të njësive administrative, apo zyrtarë të inspektorateve lokale të mbrojtjes së territorit. (A2 Televizion)
A2 CNN Livestream
MUND TE LEXONI GJITHASHTU
