Partitë opozitarë kritikuan qeverinë e Kosovës për aksionet në veri të vendit, e po ashtu për çështjen e gazsjellësit.
Kryetari i Aleancës për Ardhmërinë e Kosovës, Ramush Haradinaj tha se në Mitrovicën e Veriu nuk ka siguri, dhe se aksionet policore dobësuan shtetin ligjor.
Por kryeministri i Kosovës, Albin Kurti replikoi se në veri të Ibrit ka më shumë rend e ligj tani se kurdoherë tjetër që nga shpallja e pavarësisë.
Sakaq, deputetja e Lëvizjes Vetëvendosje, Mimoza Kusari-Lila hodhi poshtë akuzat e partive opozitare që aksionet në veri janë bërë qëllimshëm në prag të zgjedhjeve lokale.
Javën e kaluar, autoritetet në Kosovë ndërmorën një aksion antikontrabandë në disa komuna të vendit përfshirë atë të Mitrovicës së Veriut. Operacioni nxiti protesta të dhunshme të serbëve lokalë.
Në përleshjet mes policisë dhe protestuesve janë lënduar 20 veta, mes të cilëve efektive të policisë.
Gjatë seancës së të martës, qeveria Kurti u përball edhe me kritikat e deputeteve të LDK për tërheqjen e Kosovës nga projekti për ndërtimin e infrastrukturës së gazit të financuar nga Korporata e Sfidave të Mijëvjeçarit e Qeverisë së SHBA-së. Kjo gjë sipas tyre dëmton rëndë interesat shtetërore dhe gjeostrategjike. (A2 Televizion)
A2 CNN Livestream
MUND TE LEXONI GJITHASHTU
