Mazhoranca është distancuar menjëherë nga ish-ministri Lefter Koka i arrestuar për korrupsion në çështjen e inceneratorëve, shpërdorim detyre dhe pastrim parash. Pas mbledhjes së Qeverisë, zv/kryeministri Arben Ahmetaj u mundua të mbyllte çështjen me fjali fare të shkurtra duke folur për përgjegjësi individuale.
Gjashtë sekonda iu deshën maxhoranës për të larë duart nga ish-ministri i saj Lefter Koka, i vënë në pranga nga SPAK me akuzën për korrupsion.
“Përballja me drejtësinë është individuale, nuk është as kolektive, as politike”, deklaroi Ahmetaj.
Pavarësisht nxitimit të zv/kryeministrit për t’u larguar nga mikrofoni, A2CNN e pyeti se çfarë do të ndodhë me mbetjet e Elbasanit pasi tashmë impianti është nën sekuestron e SPAK.
Padëshira e numrit dy të Qeverisë për të prekur çështjen e inceneratorëve u shpjegua nga Lulzim Basha, që e konsideron Ahmetajn të përfshirë në këtë aferë së bashku me shefin e tij, Edi Ramën.
Basha i kërkoi drejtësisë të vijojë hetimet mbi aferën e inceneratorëve, pasi sipas tij në të kanë dorë disa nga drejtuesit e mazhorancës. (A2 Televizion)
A2 CNN Livestream
MUND TE LEXONI GJITHASHTU
