Forcimi i konektivitetit për të garantuar energji, si dhe siguria ushqimore në kohë krize duke mos pasur varësi nga asnjë shtet. Ishte ky fokusi i samitit të Asamblesë Parlamentare të OSBE-së në Samboll.
Nga Kuvendit i Shqipërisë morën pjese deputetët Fatmir Mediu dhe Damian Gjiknuri.
Kreu republikan prezantoi dy amendamente, ku i pari kërkonte miratimin e ligjeve që garantojnë një proces sknanimi të investimeve në mënyrë që të mos cenojnë sigurinë, siç ka ndodhur me investimet kineze dhe ruse.
I dyti kërkon respektimin e të drejtave dhe lirive të njeriut, duke mos lejuar përfshirjen në treg të produkteve që përfitohen nga puna e detyruar.
Të dyja propozimet morën votë unanime me përjashtim të Bjellorusisë.
Gjiknuri në diskutimin e tij prezantoi investimet dhe politikat e Shqipërisë për energjinë dhe diversifikimin e saj.
Dy deputetët shqiptarë theksuan nevojën e ndërlidhjes me vendet e prodhimit të gazit siç janë Azerbaxhaini nëpërmjet TAP dhe TANAP. (A2 Televizion)
A2 CNN Livestream
MUND TE LEXONI GJITHASHTU
