Në fjalën e tij në seancën e kësaj të hëne në Kuvend, Lulzim Basha, kreu i PD, u shpreh se Shqipëria renditet në vendin e 105-të të indeksit të sundimit të ligjit të publikuar nga “World Justice Project”.
“Kur vjen fjala te korrupsioni, një nga faktorët e matur nga “World Justice Project”, Shqipëria e drejtuar nga ju mban vendin e 105-të në botë, pra jo vetëm korrupsionin më të lartë në Europë dhe rajon, por na keni renditur pas Beninit, Egjiptit, që mbajnë vendin e 103-të dhe të 104 dhe ndiqemi nga Zambia dhe Mozambiku, të 106-tët dhe 107-tët”, u shpreh Basha.
Teksa i drejtohet kryeministrit, Basha shprehet se me këtë nivel korrupsioni, Edi Rama mund të hapë negociatat me Unionin Afrikan.
“Shikoni, është i vetmi europian në listë. Ky është pozicioni në të cilin meriton të jetë Shqipëria? Fryhet lartë e poshtë ekraneve, duke nanuritur se po bën shtet. Ky është shteti që ke bërë? Me këtë nivel korrupsioni, mund të hapësh negociatat me Unionin Afrikan, se në Bruksel, të 105-tët në botë për, nuk na pranon njëri”. (A2 Televizion)
A2 CNN Livestream
MUND TE LEXONI GJITHASHTU
