Kreu i Partisë Demokratike, Lulzim Basha, ka publikuar renditjen e Shqipërisë për sundimin e ligjit, indeksin e korrupsionit dhe nivelin e ryshfetit.
Duke replikuar në Twitter me zyrtaren europiane, Angelina Eichhorst, drejtore e manaxheriale për Europën dhe Azinë Qendrore në Shërbimin e Jashtëm Europian, Basha publikoi të dhënat e raportit “World Justice Project”, si dhe Bankës Botërore dhe Bankës Europiane për Rindërtim dhe Zhvillim. Duke thënë se vendi ynë renditet mes Kazakistanit dhe Afganistanit sa i takon sundimit të ligjit, kurse për korrupsionin mes Egjiptit dhe Zambisë. Ai thekson se duhet për t’u përballur me autokratët e korruptuar të Ballkanit Perëndimor.
“Renditja e Shqipërisë sipas World Justice Project si dhe BB dhe BERZH:
Sundimi i ligjit: Midis Kazakistanit dhe Afganistanit
Indeksi i Korrupsionit: Midis Egjiptit dhe Zambisë
Niveli i ryshfetit: Midis Zambisë dhe Marokut
Nevojitet vendosmëri për t’u përballur me autokratët e korruptuar të Ballkanit Perëndimor”, shkruan Basha në Twitter.
Diplomatja europiane citonte në një postim në Twitter artikullin e kryeministrit Edi Rama te “Politico”, ku thoshte që Shqipëria ka bërë gjithçka që i është kërkuar në aplikimin për anëtarësim në Be. (A2 Televizion)
A2 CNN Livestream
MUND TE LEXONI GJITHASHTU
