Drejtues të mjeteve që shërbejnë taksi protestuan të premten, pasi Bashkia e Korçës ka nisur t’i gjobisë nëse nuk kthehen bosh pasi të kenë lënë pasagjerët në një destinacion të qarkut.
Për shembull, ata furgona taksi që çojnë pasagjerët drejt Korçës, rrugën e kthimit duhet ta bëjnë bosh. “Jemi gjobitur, gjoba varion nga 5 000-25 000 mijë lekë”.
Shoferët thonë se kanë 30 vite që e bëjnë këtë punë, por vetëm këtë javë bashkia po vendos gjoba. Ndërkohë që nuk kanë më asnjë terminal, akuzojnë bashkinë se lejon konkurrencën e pandershme me autobusët.
Jashtë kamerave, specialisti i licensimit të transportit pranë Bashkisë së Korçës, Nikolin Lika, tha se të gjithë drejtuesit e mjeteve që janë të licensuar pranë bashkive respektive nuk mund të marrin pasagjerë nga bashkitë e tjera, pasi, sipas tyre, neni 37 i ligjit të transportit ndalon funksionimin e taksive në linjë të rregullt. (A2 Televizion)
A2 CNN Livestream
MUND TE LEXONI GJITHASHTU
