Disa momente pasi Sali Berisha dorëzoi në PD, firmat e 4200 delegatëve, siç ai pretendon për thërritjen e Kuvendit Kombëtar, Selia Blu ka dalë me një deklaratë zyrtare me anë të së cilës bën me dije se ish kryeministri po bën një blof.
Në reagimin e PD, shkruhet se Sali Berisha nuk i ka mbledhur ¼ e firmave të nevojshme për të nisur procedurën e mbledhjes së Kuvendit Kombëtar.
“Pas 30 vitesh Sali Berisha i di rregullat si funksionon PD. Si mblidhen organet e PD. Ajo që tha sot nuk ka lidhje me statutin dhe funksionimin demokratik të PD. U provua qartësisht që gjatë gjithë kësaj periudhe Sali Berisha ka luajtur një bllof të madh me demokratët. Nuk ka arritur të mbledhë dot 1/4 e firmave për të nisur procedurën e mbledhjes së Kuvendit Kombëtar. Ajo që pamë sot është një tallje e madhe me sakrificën e demokratëve. Është fyerje e rëndë për çdo demokrat që pretendohet se mbahen sekret të dhënat e anëtarëve të Kuvendit janë sekret nga institucionet legjitime të PD”, shkruhet në reagim e PD. (A2 Televizion)
A2 CNN Livestream
MUND TE LEXONI GJITHASHTU
