Sekretari i Përgjithshëm i Partisë Demokratike, Gazment Bardhi ka dalë në një tjetër deklaratë për shtyp një ditë përpara Kuvendit të thërritur nga ish-kryeministri Sali Berisha.
Bardhi akuzoi edhe njëherë organizatorët e “Foltores” dhe Berishën se nuk i kanë firmat e duhura për të thërritur Kuvendit dhe se kanë përdorur gjuhë përçarëse ndaj demokratëve.
Numri i dy i PD, i ulur pranë një grumbulli dosjesh pretendon se në Kuvendin e 18 dhjetorit që është thërritur nga Kryesia kanë konfirmuar pjesëmarrjen 5259 anëtarë, ndërsa 1146 anëtarë kanë refuzuar.
“Anëtarët e Kuvendit me përgjegjësi të plotë ndaj anëtarëve të PD kanë konfirmuar masivisht pjesëmarrjen në Kuvendin e PD secili prej tyre ka nënshkruar një formular që konfirmon pjesëmarrjen në 18 dhjetor ora 11:00. Kësaj thirrje përçarëse nuk i janë përgjigjur 5259 anëtarë të kuvendit ose 69% e tyre. 1146 anëtarë të Kuvendit nuk kanë konfirmuar pjesëmarrjen në Kuvend duke refuzuar thirrjen e Kryesisë së Partisë”, u shpreh Bardhi. (A2 Televizion)
A2 CNN Livestream
MUND TE LEXONI GJITHASHTU
