Avionët luftarakë amerikanë pikasën katër bombardues bërthamorë rusë në brigjet e Alaskës, deklaroi të mërkurën Komanda e Mbrojtjes Ajrore Amerikane.
Avionët rusë, të modelit Tupolev Tu-95MS, fluturuan pranë kufirit amerikan por nuk u futën kurrë brenda tij, tha Agjencia e lajmeve RIA, duke cituar burime nga Ministria ruse e Mbrojtjes.
Ata fluturuan për 11 orë mbi ujëra neutralë në Detin e Beringut, por edhe në pjesën veriore të Oqeanit Paqësor.
Në javët e fundit, avionët rusë dhe ata amerikanë janë “takuar” në ajër në dy raste, në Mesdhe dhe në Detin e Zi. Kjo është hera e tetë që një përballje e tillë, fatmirësisht pa incidente madhore, ka ndodhur këtë vit. (A2 Televizion)
A2 CNN Livestream
MUND TE LEXONI GJITHASHTU
