Dëmtimet janë frika më e madhe e çdo sportisti. Në fotogalerinë e mësipërme do t’ju kujtojmë 6 futbollistë që kanë pësuar dëmtime të rënda dhe që, në disa raste, i kanë detyruar ata që të tërhiqen përfundimisht nga futbolli. (A2 Televizion)
Në Botërorin e vitit 1982 u regjistrua një nga dëmtimet më brutale në historinë e futbollit. Gjatë ndeshjes Francë-Gjermani, Patrick Battiston u përplas me portierin Harald Schumacher. Përplasja ishte tepër e dhunshme, me mesfushorin francez që humbi ndjenjat, theu disa brinj, humbi 4 dhëmbë. Interesant është fakti që arbitri i ndeshjes nuk e konsideroi as faull ndërhyrjen brutale të portierit gjerman.Eduardo Da Silva, kroati me origjinë braziliane, theu këmbën nga një ndërhyrje e Martin Taylor, në ndeshjen Arsenal-Birmingham.Djibril Cisse e ka pasur karrierën të mbushur me dëmtime, por njëri prej tyre ka qenë më i tmerrshmi. Në një ndeshje të Kupës me Liverpool, në një përplasje loje, theu këmbën. Sulmuesi francez qëndroi 6 muaj jashtë fushave dhe kur u kthye, theu sërish këmbën e djathtë.Cesar, ish-futbollist i Real Zaragoza, u detyrua të tërhiqej nga futbolli pasi Luis Figo i theu gjurin, në një ndeshje të sezonit 2004-2005. Pas 4 operacioneve në 2 vite, vendosi të linte sportin përfundimisht.Në një ndeshje mes Barcelonës dhe Athletic Club, Goikoetxea ndërhyri shumë ashpër ndaj Maradonës, duke i thyer kaviljen. Që atëherë, Goikoetxea njihet si “Kasapi i Bilbaos”.Në sezonin 1999-2000, “Fenomeni” Ronaldo këputi ligamentet e gjurit në një ndeshje të Kupës së Italisë, mes Interit dhe Lazios (1999-2000). U kthye të luajë 8 muaj më vonë.
