Makina me të cilën dyshohet se udhëtonin autort e vrasjes së 42 vjeçarit Nikolin Lekstakaj (Marku) pasditen e të mërkurës u gjet e djegur në një parcele në fshatin Gjadër, Lezhë.
Pas vrasjes, autorët kanë dalë nga autostrada Lezhë - Shkodër në drejtim të fshatit Gjadër dhe më pas kanë devijuar përmes një rrugë kalldrëmi për rreth 1 km dhe në një parcelë i kanë vënë flakën.
Ata mendohet së janë larguar në këmbë për të dalë në superstradë, ndërsa automjeti u gjet vetëm ditën e sotme pas sinjalizimeve të banorëve.
A2 ANN sjell video ku shihen gjurmët e automjetit të djegur, teksa ende nuk ka asnjë të re nga autorët.
Marku u qëllua me breshëri plumbash nga një mjet me xhama të zinj në lëvizje. Gjatë këtij momenti, autorët kanë thyer xhamin e makinës për të qëlluar shënjestrën dhe janë larguar nga vendi i ngjarjes. Atentati ndodhi jo shumë larg shtëpisë së viktimës, në fshatin Balldre. Pista e parë për policinë është hasmëria, pasi dyshohet se 42-vjeçari është vrarë për të marrë hakun e vrasjes së 51-vjeçarit Ardian Nikulaj në Shëngjin, më 19 prill fiks 3 muaj më parë. (A2 Televizion)
A2 CNN Livestream
MUND TE LEXONI GJITHASHTU
