Një tërmet me magnitudë 4.8 ballë goditi Sicilinë, rreth vullkanit më aktiv të Evropës, Malit Etna. Të paktën 10 persona morën plage te lehta e disa godina u dëmtuan, sipas mediave italiane.
Mali Etna shpërtheu të hënën duke gjeneruar lëkundje të vazhdueshme toke. Hi vullkanik ka mbuluar fshatrat e afërt dhe fluturimet nga aeroporti i Katanias u pezulluan përkohësisht. Qytetarëve në zonat malore iu është kërkuar të evakuohen me shpejtësi.
Tërmeti u regjistrua në 3 e 19 të orës lokale ditën e mërkurë, pranë komunës së Viagrandes.
Imazhe të ndërtesave të dëmtuara u postuan në rrjetet sociale. Mediat italiane raportuan panik mes banorëve të zonës, shumë prej të cilëve dolën nëpër rrugë. Godinat u lëkundën edhe në qytetin e Katanias ku jetojnë mbi 300 mijë persona. (A2 Televizion)
A2 CNN Livestream
MUND TE LEXONI GJITHASHTU
