Etrit Berisha është portieri më i ri i Empolit në Serie A. Ka qenë klubi italian që ka zyrtarizuar gjithçka për 34-vjeçarin kuqezi, i cili lë Torinon dhe kalon në ekipin e ri, duke mbetur në elitën e futbollit në vendin fqinj.
"Klubi i Futbollit Empoli njofton se ka arritur një marrëveshje me klubin e futbollit Torino për blerjen përfundimtare të futbollistit Etrit Berisha", thuhet në njoftimin e Empolit.
Kujtojmë se Berisha nuk luajti sezonin e shkuar me Torinon, kjo për shkak të zënkës me trajnerin e ekipit. Berisha e nisi karrierën te 2 Korriku në Kosovë, për të kaluar më pas te Kalmar në Suedi, aty ku u ble nga Lazio në verën e 2013.
Pas kryeqytetasve, Berisha luajti edhe për Atalantën, SPAL-in dhe Torinon, për të mbetur sërish në Serie A. 34-vjeçari ka mbrojtur në 76 raste portën e kombëtares shqiptare, duke qenë ndër lojtarët me më shumë paraqitje. (A2 Televizion)
A2 CNN Livestream
MUND TE LEXONI GJITHASHTU
