Vitin e ardhshëm buxheti për bashkitë do të rritet me vetëm 3% . Kjo është norma e rritjes e parashikuar në projektbuxhetin 2022, që ka nisur të diskutohet në komisionet parlamentare. Një rritje që është në kufijtë e inflacionit dhe më e ulët sesa rritja ekonomike prej 4.1% e parashikuar në këtë draft për vitin e ardhshëm.
Të dhënat e draftit tregojnë se qeveria parashikon që vitin e ardhshëm të japë si transfertë të pakushtëzuar për bashkitë 18.7 miliardë lekë, me rritje vetëm 250 milionë lekë kundrejt vitit 2021 për 61 bashkitë. Sipas një përllogaritje të thjeshtë, i bie 4 milionë lekë për çdo bashki, çka do të thotë një shumë thuajse e papërfillshme
Qeveria parashikon që bashkitë të mbledhin më shumë të ardhura, bazuar në një performancë më të mirë të tyre. . Për vitin 2022 parashikohet të kenë një rritje të tyre me rreth 1.5 miliard lekë më shumë se sa plani i vitit 2021 ose 6% më shumë. Një objektiv jo i lehtë për t’u arritur, në kushtet kur pandemia e COVID 19 është ende e pranishme dhe ka goditur aftësitë paguese të qytetarëve dhe bizneseve dhe kur bashkitë nuk kanë dhënë prova se mund ti mbledhin taksat dhe tatimet në territoret që administrojnë. (A2 Televizion)
A2 CNN Livestream
MUND TE LEXONI GJITHASHTU
