Kolumbiani Egan Bernal, pas triumfit në Tour De Francë në vitin 2019, hyn zyrtarisht në “librin e artë” të çiklizmit duke fituar edhe “Giro D’Italia”, garën më të njohur pas eventit francez.
Kampioni 24-vjeçar arriti sot në Milano duke dominuar nga fillimi Xhiron e Italisë, i ndjekur gjithsesi nga afër nga Italiani Damiano Caruso, vetëm 1 minutë dhe 24 sekonda mbrapa, ai që në fillim të këtij edicioni ishte thjesht një çiklistë mbështetës brenda vetë ekipit të tij.
Për këtë arsye, dita e sotme, një etapë që gjithmonë cilësohet më shumë si pasarelë për fituesin sesa pjesë e garës, mori gjithsesi domethënieje, por Caruso nuk mundi t’i “ hante” Bernalit më shumë se 30 sekonda, të pamjaftueshme për atë që do të ishte një mrekulli sportive.
Bernal është kolumbiani i dytë që fiton garën prestigjioze italiane, pas Quintana në vitin 2014. (A2 Televizion)
A2 CNN Livestream
MUND TE LEXONI GJITHASHTU
