Gjykata Kushtetuese do të marrë në shqyrtim padinë e Shoqatës së Bashkive të Shqipërisë, me drejtuese Voltana Ademin, për shpalljen antikushtetuese të zgjedhjeve të 30 qershorit 2019 për organet e qeverisjes vendore, të kryetarëve të bashkive dhe anëtarëve të këshillave bashkiakë.
“Konstatimin antikushtetues të zgjedhshmërisë/procesit zgjedhor të zhvilluar më 30 qershor 2019 për zgjedhjen e organeve të qeverisjes vendore, të kryetarëve të bashkive dhe anëtarëve të këshillave bashkiakë, dhe si rrjedhojë konstatimin antikushtetues të zgjedhjes së anëtarëve të këtyre organeve”, është objekti i padisë së Shoqatës së Bashkive.
Seanca për shqyrtimin e kësaj padie do të zhvillohet më 23 qershor.
Gjykata vendosi se për shkak të situatës dhe rregullave në fuqi të shkaktuara nga COVID-19, zhvillimi i seancës plenare do të kryhet pa praninë e publikut.
Po në këtë datë, Kushtetuesja do të verifikojë edhe kushtetutshmërinë e veprimtarisë së partisë Bindja Demokratike në lidhje me regjistrimin e saj në gjykatë dhe zgjedhjet e datës 30 qershor 2019.
Subjektet e interesuar në këtë proces janë: Presidenti Republikës së Shqipërisë, Kuvendi i Republikës së Shqipërisë, Këshilli i Ministrave, Avokati i Popullit, Komisioni Qendror i Zgjedhjeve dhe Partia Bindja Demokratike.
Me gjithë dyshimet e kryebashkiakes së Shkodrës për manovra të kryebashkiakëve të majtë për të tërhequr padinë e bërë prej saj në Kushtetuese, ligji ia lë në dorë gjyqtarëve kushtetues fjalën e fundit për të ndërprerë ose jo shqyrtimin e ligjshmërisë së zgjedhjeve të qershorit 2019. (A2 Televizion)
A2 CNN Livestream
MUND TE LEXONI GJITHASHTU
