Komuniteti ndërkombëtar ka reaguar menjëherë për situatën e tensionuar në Venezuelë. Shtetet e Bashkuara të Amerikës janë siguruar që të dërgojnë mesazhe të shumta në mbështetje të liderit të opozitës, Juan Guaido, i cili kërkon rrëzimin e Presidenti Nikolas Maduro.
A rebel soldier who is part of a group rising up against the government of Venezuela's President Nicolas Maduro aims his weapon from an overpass at La Carlota military airbase where loyal troops are located, as members of the press and civilians take cover in Caracas, Venezuela, Tuesday, April 30, 2019. Venezuelan opposition leader Juan Guaidó and jailed opposition leader Leopoldo Lopez took to the streets with a small contingent of heavily armed troops early Tuesday in a bold and risky call for the military to rise up and oust Maduro. (AP Photo/Boris Vergara) 
“Presidenti i përkohshëm, Juan Guaido njoftoi nisjen e “Operacionit Liria”. Qeveria Amerikane mbështetë plotësisht popullin e Venezuelës në rrugëtimin e tij për liri dhe demokraci. Demokracia nuk do të mposhtet”, u shpreh Mike Pompeo, sekretar shteti i SHBA.
Të njëjtin mesazh dërgoi dhe nënpresidenti Mike Pence, ndërsa kreu i Shtëpisë së Bardhë, Donald Trump është informuar për situatën. Lideri opozitar u mbështet dhe nga shtete të ndryshme të botës si Britania, Brazili dhe Kolumbia. Ndërsa, Rusia që renditet në krah të presidentit Maduro, u shpreh më e përmbajtur.
Presidenti Vladimir Putin diskutoi për situatën në Venezuelë në këshillin e tij të sigurisë. Zëdhënësi i Kremlinit tha se Moska po i kushton vëmendje të madhe asaj që po ndodh në Venezuelë, pas lajmeve se atje po organizohet një grusht shteti. Ndërkohë, Spanja ka mbajtur një qëndrim neutral.
“Shpresojmë që të mos ketë gjakderdhje. Mbështesim një proces paqësor demokratik në Venezuelë dhe kërkojmë që të shpallen zgjedhje të parakohshme presidenciale”, tha Isabel Celaa, zëdhënëse e qeverisë së Spanjës.
Përveç Rusisë, Maduro përkrahet edhe nga vende si Kina, Irani dhe Turqia. (A2 Televizion)
A2 CNN Livestream
MUND TE LEXONI GJITHASHTU
