“Hapi i radhës, një kombëtare”, Guardiola bën gati lamtumirën nga City

Pep Guardiola ka njoftuar në mënyrë të befasishme se do të largohet nga drejtimi i Manchester City në vitin 2023, atëherë kur mbaron kontrata e tij.

“Hapi i radhës do të jetë një kombëtare. Por, më parë, pas 7 vitesh te City, duhet të bëj pak pushim, të rri i qetë, të studioj… Më pas, do të më pëlqente që të drejtoja një ekip në një Evropian, Botëror apo Kupë Amerike”, tha trajneri spanjoll për XP Investimento.

Menjëherë, në rrjetet sociale tifozët kanë shprehur bindjen se kombëtarja që ai do të drejtojë do të jetë Spanja. Por, i ngacmuar për mundësinë e emërimit te Brazili, tekniku foli me superlativa për përfaqësuesen “Seleçao”. Sipas Guardiolës, brazilianët kanë një skuadër fantastike, me disa prej lojtarët më të mirë në botë dhe gjithmonë mbetet kandidate e fortë ose favorite për të fituar trofe ndërkombëtarë. (A2 Televizion)