Një ditë pas zyrtarizimit të datës për zgjedhjen e kryetarit të Partisë Demokratike, kandidati i vetëshpallur për kryetar i kësaj partie Fatbardh Kadilli, ftoi anëtarët demokratë që të votojnë për të ndryshuar politikën në PD dhe për t’i dhënë vlerë votës. Në studion e “Ditari” në A2 CNN, Kadilli tha se Basha ka instrumentin e pushtetit në garë, kurse ai të moralit.
“Kemi një asimetri në garë. Një kryetar që zotëron partinë prej 8 vitesh, që ngriti një aparat të madh për t’u matur me pushtetin nuk fitoi por nuk doli edhe aq keq dhe ky aparat do përdoret kundër meje dhe çdo kundërshtari. Apo ka një asimetri tjetër që është e moralit, nëse është superior në instrumentin e pushtetit, morali është me mua dhe me PD e re, të pastër, të hapur dhe fituese dhe ky vjen nga ky projekt i ri që nuk bën pis, por pastrohet. Duhet të ndryshojmë vetveten që populli të na zgjedhë ne. Përpjekje për të ndryshuar politikën në PD”.
Ai thotë se nuk bën kalkulime por u bën thirrje anëtarëve dhe votuesve që të votojnë atë për të bërë një opozitë të re që jep shpresë.
“Të gjithë janë munduar të kalkulojnë mbështetje; kam Berishën apo jo 7 këtu e 5 atje, unë nuk bëj kalkulime por i bëj ftesë anëtarit të PD, atij që vuan opozitën, është votuesi i thjeshtë demokrat që kërkon të ketë një shpresë, janë ata që do të krijojnë energjinë e re për të bërë një opozitë të re. Të gjitha janë. Unë i bëj propozim anëtarit të thjeshtë, bëhu kryetar, duke votuar Fatbardh Kadillin, kjo është e vërteta ime. Anëtari i thjeshtë vuan, nuk ka shpresë sa kohë që nuk i japim një propozim politik. Për ta bërë shumicën dërrmuese të shqiptarëve”.
Kadilli thekson se beson tek individi politik që nuk kërkon ofertë monetare por ofertë vlerash serioze përkundër individit. Ai shton se PD duhet të rikthehet te vlerat që u themelua.
“Problemi bazë sot është drejtimi. Në kulturën tonë politike, kryetarët janë gjithçka. Unë nuk i përkas kësaj kulture politike. Kemi nevojën që PD të kthehet në vlerën që u themelua, një elitë politike e re. Nën drejtimin tim do t’i jap vlerë votës, unë nuk besoj tek individi që ka nevoja biologjike dhe i jep para në këmbim të votës, kjo politikë e konsideron qenie të vobektë. Individi politik nuk kërkon ofertë monetare, por ofertë vlerash serioze për t’u ndarë nga çdo model i së keqes, PD në drejtimin tim do ketë shans të jetë e pastër, e hapur dhe fituese, mos fshihet duke thënë që do të bëj 3-4 koalicione për të dalë në qeverisje”.
I pyetur nëse do të njohë rezultatin pas zgjedhjeve të 13 qershorit në PD, Kadilli u shpreh: “Unë nuk jam Basha, por Kadilli kurajoz, qëndrestar, mbijetues në politikë nuk fshihem ndaj hileve të kundërshtarit. Nuk fshihem dua ta shoh Bashën me të gjitha defektet me mungesën e transparencës dhe paaftësinë e marrjes së vendimeve”.
Duke qenë se statuti i Partisë Demokratike nuk parashikon dorëheqjen e kryetarit në rats humbje, Kadilli tha se Basha e kishte detyrim moral, pas dy humbjeve radhazi. Ai thotë se e ka paralajmëruar kryedemokratin në rast humbjeje në zgjedhje.
Nuk ka detyrim statutor për dorëheqje, prandaj ne i kërkojmë dorëheqjen se po të ishte parashikuar në statut nuk kishte nevojë t’ia kërkonim. Po të kishte rikuperuar politikisht kishte të drejtë të kandidonte, por humbi dy herë radhazi. Politika është kauzë, besim, vlerë, aksion dhe këtë e ke ose jo. Unë i jam drejtuar drejtpërdrejt kryetarit dhe i kam thënë; fito dhe je i larë, po humbe më kë përballë”. (A2 Televizion)
A2 CNN Livestream
MUND TE LEXONI GJITHASHTU
