Kanadaja zgjedh vaksinën e Modernas, porosit 40 milionë doza

Qeveria Kanadeze dyfishoi porosinë e vaksinës së koronavirusit nga Moderna, nga 20 milionë në 40 milionë doza.

Lajmi u bë me dije nga kompania Moderna, në një deklaratë të hënën ku ndër të tjera u bë me dije se dërgesat e vaksinës së saj në Kanada mund të fillojnë sa më shpejt këtë muaj, nëse ato miratohen përgjatë muajit dhjetor.

Po ashtu, kompania njoftoi se furnizimi në Kanada do të vinte nga kapaciteti europian i prodhimit të vaksinave.

"Furnizimi me vaksina në Kanada do të burojë nga kapaciteti evropian i prodhimit Moderna," thuhet në deklaratë.

Ndërkaq, Mbretëria e Bashkuar ka bërë gjithçka gati për të nisur fushatën e vaksinimit në masë të popullatës ndaj koronavirusit të ri, me dozat e prodhuara nga Pfizer dhe BioNTech. (A2 Televizion)