Ndonëse prej javësh në situatë të stabilizuar, Kosova ka regjistruar shifra rekord rastesh të reja me koronavirus në 24 orët e fundit.
Në njoftimin e Ministrisë së Shëndetësisë mësohet se për herë të parë, që nga nisja e pandemisë, në vend janë regjistruar 2050 të infektuar të rinj me koronavirus, krahasuar me 720 që ishin një ditë më parë.
Shkak për këtë shtim të rasteve mendohet të jetë dhe varianti Omicron, i cili është disa herë më i transmetueshëm nga paraardhësit.
Autoritetet thonë se në krahasim me valët e mëhershme, tani ka një numër më të vogël të atyre që kërkojnë trajtim në spitale ndërsa që nga një janari si pasojë e COVID-19 kanë humbur jetën pesë veta, duke e çuar në 2 mijë 995 numrin e atyre që kanë humbur jetën që nga fillimi i pandemisë. (A2 Televizion)
A2 CNN Livestream
MUND TE LEXONI GJITHASHTU
