Teksa shprehu bindjen se në raundin e dytë Maqedonia e Veriut do të ketë një president evropian, kryeministri Zoran Zaev kërkoi votat e mbështetësve të kandidatit shqiptar Blerim Reka. Ndërkaq, lideri i opozitës maqedonase Hristjan Mickovksi i cilësoi rezultatet si një fitore.
“Pres që të gjithë qytetarët që votuan për z. Blerim Reka të tregojnë përgjegjësi në balotazhin e 5 majit, duke kontribuar për ecurinë e vendit përpara. Ata e dinë se kthimi prapa sjell dëme për të gjithë, përfshirë edhe vetë ata”, deklaroi kryeministri maqedonas.
Ndërsa kreu i VMRO-DPMNE Micklovski deklaroi se "ne fituam dhe ky është një triumf për të gjithë, por veçanërisht për ata që mbështetën presidenten e vetme të Republikës së Maqedonisë, Gordana Siljanovska-Davkova".
Balotazhi do të mbahet në 5 maj, dhe vota e shqiptarëve duket sikur do të jetë sërish vendimtare. (A2 Televizion)
A2 CNN Livestream
MUND TE LEXONI GJITHASHTU
