Kryeministri Edi Rama do të takohet sot me sekretarin amerikan të Shtetit Antony Blinken. Takimi i rëndësishëm do të zhvillohet në orën 17:30 në Bruksel.
Njoftimin e ka dhënë sot Departamenti Amerikan i Shtetit.
Blinken ndodhet në Europë për të shoqëruar Presidentin e SHBA, Joe Biden gjatë vizitave të tij në Britaninë e Madhe, Belgjikë e Zvicër.
Sekretari amerikan i Shtetit do të shoqërojë presidentin Bidenin edhe në samitin e NATO-s më 14 qershor dhe në samitin SHBA-BE më 15 qershor. Ai do të jetë pjesë edhe e takimit Biden-Putin në Gjenevë.
Kujtojmë që ky takim vjen pak kohë pas shpalljes non grata nga departamenti amerikan i Shtetit të ish-kryeministri Berisha, për të cilin kryeministri Rama nuk ka bërë asnjë koment. Departamenti Amerikan i Shtetit ka shpallur “non grata” deri tani 4 figura publike shqiptare. (A2 Televizion)
A2 CNN Livestream
MUND TE LEXONI GJITHASHTU
