Kryetari i Lëvizjes Vetëvendosje, Albin Kurti, reagoi për mundësinë e hequr për të kandiduar në zgjedhjet e 14 shkurtit. Në një prononcim të shkurtër, ai tha se “se institucionet e shtetit duhet ta ndjekin vullnetin e popullit të vetëdijesuar si asnjëherë më parë në Kosovën e pasluftës dhe jo t’i vihen përballë atij”.
“Ky vullnet i madh i qytetarëve për ndryshim besoj që duhet të ndiqet edhe nga institucionet relevante të shtetit. Ju e dini se unë jam kryesues i listës me vendim të Këshillit të Përgjithshëm të Vetëvendosjes”, u shpreh kandidati për kryeministër.
Ndërkohë, ekspertët kushtetues në Kosovë kanë paralajmëruar prej kohësh se Kurti mund të privohej nga e drejta për të kandiduar në zgjedhjet e parakohëshme parlamentare.
Kreu i Vetëvendosjes ka një dënim me kusht brenda 3 viteve të fundit dhe kjo përbën pengesë ligjore për të. Ai është dënuar për shkak të hedhjes së gazit lotësjellës në Kuvend. (A2 Televizion)
A2 CNN Livestream
MUND TE LEXONI GJITHASHTU
