Kur Kazuyoshi Miura udhëtoi për herë të parë nga Japonia, ku futbolli ishte ende në hapat fillestare të profesionizmit, për në Italinë e Serisë A, skenën e dominonin ende emra tashmë mitikë si Roberto Baggio, Bergomi, Marco Van Basten dhe Ruud Gullit.
Japonezi përballej për herë të parë me skenën europiane, pas një eksperience të gjatë në rini në Brazil dhe në vendlindje, ku përfaqësonte vullnetin e vendit aziatik për të qenë faktor në atë sport.
Atë që nuk do të imagjinonte kurrë sulmuesi kur filloi të luajë me fanellën e Genoas, në 1994, është që do të ishte sërish titullar, në një kampionat profesionist, 26 vite më vonë.
Kazuyoshi Miura sërish titullar në J1-League, elita e futbollit japonez 
Miura është 53 vjeç, gjashtë muaj dhe 28 ditë 
Miura pas një karriere në Brazil dhe Japoni, në 1994 ka veshur edhe fanellën e Genoas në Itali 
Miura ka luajtur me fanellën e kombëtares japoneze për herë të fundit në vitin 2000 
Miura dhe Roberto Baggio kanë luajtur në të njejtën periudhë, dhe janë bashkëmoshatarë 
Miura, një mit i futbollit japonez dhe jo vetëm, dëshiron të luajë deri në 60 vjeç
Kazu Miura debutoi dje në sezonin e ri të J1-League, seria më e lartë japoneze, me fanellën e Yokohamës me të cilën luan nga viti 2006, atëherë kur duhet të ishte gjithsesi në pension. Ai sot është 53 vjeç, gjashtë muaj dhe 28 ditë, padyshim lojtari më i vjetër në botë që luan në një kampionat të këtij niveli.
Kazuyoshi luajti titullar për 56 minuta, vërtetë nuk shënoi, diçka që herën e fundit i ka ndodhur në 2017, por mbajti me dinjitet ritmin e atyre që mund të jenë shumë mirë fëmijët e tij, dhe në disa raste edhe nipërit.
Vullneti i Miurës është ai të vazhdojë deri sa të festojë 60-vjetorin. Një parashikim realist, nga ai i disa viteve më parë, ku deklaroi se do të vdiste në fushë. Por “gjyshi i futbollit botëror premton se vullneti dhe pasioni i tij për këtë sport nuk ka ndryshuar aspak, nga viti 1986 kur filloi karrierën profesioniste. (A2 Televizion)
A2 CNN Livestream
MUND TE LEXONI GJITHASHTU
