Lufta në Ukrainë duket se nuk ka ndikuar në rritjen e çmimeve vetëm në Europë, por edhe në Rusi.
Sipas të dhënave më të fundit, çmimet e disa produkteve ushqimore bazë në Rusi janë rritur mesatarisht me 14%, gjatë javë së kaluar, kjo edhe për shkak të inflacionit gjithnjë e në rritje.
Të mërkurën, Ministria ruse e Ekonomisë ruse tha se inflacioni vjetor ishte rritur me 14.5% në javën e fundit, niveli më i lartë që nga fundi i 2015-s.
Shërbimi Federal i Statistikave të Shtetit tha se çmimi i sheqerit u rrit me 37.1% në rajone të caktuara të vendit, ndërsa mesatarisht me 14%. Gjithashtu, rritje kanë pësuar qepët, pelenat, çaji i zi dhe letra higjienike.
Stephen Innes, partner menaxhues në SPI Asset Management, tha se çmimet ishin më të larta për shkak të rublës më të dobët.
“Fajtori më i madh është inflacioni i importuar. Çdo gjë që importon Rusia është në mënyrë eksponenciale më e shtrenjtë për shkak të rublës më të dobët", tha Innes. (A2 Televizion)
A2 CNN Livestream
MUND TE LEXONI GJITHASHTU
