Një aksident ka ndodhur sot në lagjen "Sheq i madh" në Fier, në afërsi të vendit të quajtur "Vija e ngjalës".
Sikurse njoftohet, një automjet tip "Golf", me drejtues ende të paidentifikuar, duke dalë nga një rrugë dytësore për në rrugë kryesore, i ka prerë rrugën automjetit të policisë tip "Hyundai", që lëviste në drejtimin Sheq-Fier.
Për të shmangur aksidentin, automjeti i policisë me drejtues punonjësin K. C ka dalë nga rruga dhe është përplasur me një pemë. Gjithashtu, ka goditur dhe dëmtuar lehtë një këmbësor, 54-vjeçar, i cili pasi mori mjekim në spital u largua për në banesë.
Sikurse njoftohet, SHÇBA po kryen veprimet procedurale për zbardhjen e plotë të ngjarjes. (A2 Televizion)
A2 CNN Livestream
MUND TE LEXONI GJITHASHTU
