Richard Grenell, i dërguari special i presidentit Donald Trump, për dialogun Kosovë-Serbi, viziton sot Prishtinën.
Ai do të shoqërohet nga një delegacion i qeverisë amerikane, në krye të së cilit është shefi ekzekutiv i Koorporatës Ndërkombëtare të Financave të Zhvillimit të SHBA-së, Adam Boehler.
Sipas mediave kosovare, vizita është për fillimin e zbatimit të marrëveshjes, për normalizimin ekonomik, mes Kosovës dhe Serbisë, që u firmos më 4 shtator në Uashington.
Grenell njoftoi në Twitter se kjo marrëveshje është një prioritet për administratën Trump. "Shihemi në Prishtinë dhe Beograd këtë javë", shprehet i dërguari special për dialogun.
Përveç Kosovës, delegacioni amerikan do të qëndrojë për vizitë edhe në Serbi, Greqi dhe Izrael. (A2 Televizion)
A2 CNN Livestream
MUND TE LEXONI GJITHASHTU
