Mbretëresha britanike, Elisabeth ka mbajtur fjalimin e saj tradicional të Krishtlindjes, duke i dhënë një mesazh shprese të gjithë personave që nuk janë afër familjes dhe miqve.
Duke shprehur keqardhjen e saj për faktin se shumë persona nuk mund të mblidheshin për festa me njerëzit e dashur, mbretëresha i siguroi ata që nuk janë vetëm, ndërsa shtoi se koronavirusi pavarsisht vështirësive që solli, i ka bashkuar njerëzit dhe i ka bërë ata më të fortë.
“Nuk jeni vetëm. Në fakt është e jashtëzakonshme, sesi një vit, që na mbajti larg njëri tjetrit, përmes disa rrugëve na ka bashkuar më shumë”, u shpreh ajo, gjatë fjalimit.
Monarkja 94-vjeçare shtoi se familja mbretërore është mahnitur nga vullnetarët që kanë ndihmuar komunitetet e tyre duke i dhënë Mbretërisë së Bashkuar por dhe botës, shembuj të jashtëzakonshëm solidariteti.
Për shkak të situatës së koronavirusit, Mbretëresha Elizabet dhe Duka i Edinburgut, Princi Filip, po kalojnë festën e Krishtlindjeve në kështjellën Windsor, të veçuar nga familja e tyre. (A2 Televizion)
A2 CNN Livestream
MUND TE LEXONI GJITHASHTU
