Një mësuese nga Elbasani nuk e ka fituar betejën me Covid-19. Ajo është ndarë nga jeta mëngjesin e sotëm në moshën 40-vjeçare. Pas këtij, ministrja e Arsimit dhe Sportit, Evis Kushi u ka bërë apel qytetarëve që të ndërgjegjësohen për vaksinimin ndaj Covid-19, si mënyra më e mirë për të shmangur rrezikun e këtij virusi.
“Jam shumë e hidhëruar për ndarjen nga jeta të mësueses Blerina Lamçja (Hoxholli) në shkollën speciale “Zëra Jete” në Elbasan. Blerina e humbi betejën me Covid-19 në moshën 40-vjeçare, duke lënë pas trishtim jo vetëm tek familja e saj, kolegët dhe miqtë që e kanë njohur nga afër, por edhe nxënësit e shkollës, për të cilët Blerina punonte me aq shumë përkushtim e dashuri.
Ky lajm duhet të na ndërgjegjësojë të gjithëve që rreziku nga virusi është ende mes nesh, prandaj shërben si një apel i fortë që të mos i neglizhojmë për asnjë moment vaksinimin dhe respektimin e protokolleve shëndetësore”. (A2 Televizion)
A2 CNN Livestream
MUND TE LEXONI GJITHASHTU
