“Plotësimi i vakancave të AMA-s duhet të bëhet nga Parlamenti i ri i dalë nga zgjedhjet e 25 prillit”. Kështu shprehet presidenti Ilir Meta, teksa kërkon shtyrjen e plotësimit të vakancave për këtë institucion. Sipas tij, çdo tentativë për kontroll të lirisë së medias është goditje e rëndë për demokracinë dhe minon integrimin.
“Duke e përkrahur thirrjen e gazetarëve për të shtyrë plotësimin e vakancave në AMA, pasi Parlamenti i ri i dalë nga zgjedhjet e 25 prillit të fillojë punën, theksoj se çdo tentativë për kontroll të lirisë së medias është goditje e rëndë për demokracinë dhe respektimin e të drejtave të njeriut, që minon seriozisht rrugëtimin e Shqipërisë drejt Bashkimit Europian”.
Në një postim në Facebook ku mbështet shqetësimin e gazetarëve të pavarur shqiptarë dhe të kolegëve të tyre të huaj të grupuar në Rrjetin "Safe Journalists", Meta dënon nxitimin e mazhorancës dhe të Kuvendit për vendosjen nën kontroll të plotë të Autoritetit të Mediave Audiovizive.
“E mbështes plotësisht shqetësimin e drejtë të gazetarëve të pavarur shqiptarë dhe të rreth 8200 kolegëve të tyre të huaj të grupuar në Rrjetin "Safe Journalists" dhe e dënoj me forcë nxitimin e mazhorancës dhe të Kuvendit aktual njëpartiak për uzurpimin në mënyrë të njëanshme dhe vendosjen nën kontroll të plotë të Autoritetit të Mediave Audiovizive, një institucion thelbësor për garantimin e lirisë së medias në vendin tonë.
Është pikërisht Kuvendi aktual, që nuk ka qenë i sinqertë, as me median, as me Bashkimin Europian dhe as me Komisionin e Venecias. Për më tepër, që po mbushet gati një vit (19 qershor 2020) dhe ende Parlamenti nuk është tërhequr zyrtarisht nga paketa antikushtetuese "Antishpifje"”. (A2 Televizion)
A2 CNN Livestream
MUND TE LEXONI GJITHASHTU
