Përfundon në Napoli ecuria e 11 fitoreve radhazi të Interit, por barazimi kundër ekipit të Gennaro Gattusos nuk mund të quhet aspak një hap pas në rrugëtimin drejt titullit në Serie A.
Rezultati 1-1- nuk tregon plotësisht një ndeshje ku zikaltrit dhe napoletanët luajtën një lojë të hapur ku nuk munguan rastet nga të dyja palët. Pjesa e parë flet më shumë për Interin, me raste të shpërdoruara nga Lukaku, edhe pse goli vjen për napoletanët, ku një kros i Insigne shndërrohet në një gafe kolosale të Handanovic dhe veçanërisht De Vrij, që shtyn portierin e tij duke rrotulluar topin në rrjetë.
Në pjesën e dytë, insistimi i Interit konkretizohet me golin e bukur të Christian Ericksen, titullar dhe gjithmonë më i domosdoshëm për trajnerin Antonio Conte.
Barazimi mban Interin gjithsesi në një distancë sigurie prej 9 pikësh nga Milani dhe 11 nga Atalanta, ndërkohë që rivalët e Juventusit braktisin çdo ëndërr, larg 13 pikë, dhe duhet të luajnë për një vend në Champions pikërisht me Napolin që ka vetëm dy pikë më pak. (A2 Televizion)
A2 CNN Livestream
MUND TE LEXONI GJITHASHTU
