Efektivët e Komisariatit të Krujës, në bashkëpunim me Drejtorinë Vendore të Policisë Durrës dhe Forcën e Posaçme Operacionale kanë përmbyllur me sukses operacionin antikanabis “Ndëshkimi 2”.
Gjatë këtij operacioni u vunë në pranga 7 persona nën akuzën e kultivimit të bimëve narkotike dhe armëmbajtjes pa leje.
Këta shtetas dyshohet se në bashkëpunim me njëri tjetrin kanë kultivuar bimë narkotike, në territorin e fshatit Barkanesh, Zgërdhesh, Kurcaj të Krujës, ku në periudha të ndryshme, janë gjetur dhe asgjësuar kubikë të kultivuar me fara kanabis dhe fidanë të dyshuara narkotike kanabis sativa.
Operacioni i sotëm është në vijim të operacionit të koduar "Ndëshkimi", ku u arrestuan dhe ndaluan 9 persona dhe u shpall në kërkim një tjetër.
Pas një hetimi me metoda special që zgjati 2 muaj, Komisariati i Krujës nën drejtimin e Prokurorisë dhe në bashkëpunim me shërbimet e Drejtorisë së Policisë Durrës , finalizuan me sukses Operacionin Policor të koduar “Ndëshkimi 2”.
Në funksion të procedimit penal prill 2019 u bë ekzekutimi i masave të sigurisë “Arrest me burg” për veprat penale “Kultivimi i bimëve narkotike”, kryer në bashkëpunim dhe “Prodhimi dhe mbajtja pa leje e armëve luftarake dhe municionit”, për shtetasit:
T.K., 27 vjec,
I.D., 27 vjeç,
S.D., 28 vjeç,
E.D., 23 vjeç,
B.D., 38 vjeç,
A.D., 17 vjeç, banuesë në fshatin Barkanesh
Si dhe u bë ndalimi i shtetasit B.D, 19 vjeç, me banim në Krujë për veprën penale "Kutivimi i bimëve narkotike". Ndërsa për një shtetase , Gjykata vendosi masën e e sigurisë “Detyrim Paraqitje”. (A2 Televizion)
A2 CNN Livestream
MUND TE LEXONI GJITHASHTU
